Design your day in Lima..

Vöknuðum missnemma og hresstum okkur við í perúsku morgunverðarhlaðborði og síðan var planaður túristaleikur um borgina. Hún Beatrice brosandi (sem ber orðið ´arranged´ ógleymanlega fram..) leiddi okkur í allan sannleika um innreið Spánverja í Perú 1532 og byggingu hinna fögru munkaklaustra víða um landið. Skoðuðum við m.a. dómkirkju San Franciscu reglunnar og katakomburnar sem undir henni eru. 10 m djúpur brunnur fullur af beinum, efsta lagið snyrtilega raðað i mynstur (höfuð, herðar, hné og tær!) og þrúgandi loftleysi átti athygli okkar allra - nema eins! Til fróðleiks má geta þess að á sínum tíma tókst Spánverjum að bræða stóran hluta fornminja frumbyggja Perú þ.m.t. mikið magn af gulli svo ekki er til mikið af þeim dýrgripum.  

Um kvöldið var skyldumæting á hinn sívinsæla íslendingastað La Rosa Nautica sem er byggður á bryggjusporði út í Kyrrahafið. Frábær matur og sérvalinn félagsskapur einkenndi kvöldið og skriðu allir ánægðir í rekkju.

Rannveig! Rétt í þessu gekk áhöfn Air Europa framhjá okkur hér í lobbýinu í gallapilsum, -buxum og blazer-um sem einkennisfötum. Okkur líst betur á Steinunni ...

ps. Vorum í sjokki eftir að við urðum vitni að miður fallegum atburði í miðbænum þar sem götustrákur í lörfum var barinn í klessu og höfði hans margskellt í götuna.

 

Athugasemdir

[Bragi frændi (IP-tala skráð) 11.2.2008 kl. 19:06]

Sæl Björg bestafrænka.

Skoða síðuna daglega, þetta er dásamlegt hjá ykkur, og það á fullu kaupi!!!!!

Bragi og kó.

[amý (IP-tala skráð) 11.2.2008 kl. 19:47]

hæ, hæ

langaði bara að kasta á ykkur kveðju, oddur við náðum ekki að hittast áður en þú fórst af landinu og hér með óska ég eftir viðtalstíma þegar þú kemur aftur á hið fagra land ísland. farið vel með ykkur og passið ykkur á bleikum og bláum dykkjum það er aldrei að vita hvað maður tekur upp á eftir að hafa drukkið slíkan (ekki það að ég tali af neini reynslu)

koss og knús

amý